Shikshak- is shabd mein dekho hai kaise ehsaas,
sunte hi man mein jaag uthta hai atyant samman aur vishwas..
wo unka ungali pakadkar chalna sikhana,
wo jeevan ka har rang, har sapna dikhaa..
wo hamari jeet par bhi peeth thapthapana,
wo har haar par bhi jeet ka bhaav jagaana…
kabhi pita banke unhone diye sanskar,
kabhi ma bankar unhone kiya pyaar…
dost jaise har galti par toka baar baar,
wahi to hai ishwar ke sachche aakaar..
unke sath ne hamara dhyaan diya,
humein unche udne ka yaan diya…
unhone hamari achhaiyon ko siya,
fir bhi humse kuch na liya…
hum tufano mein sambhal gaye,
aandhiyon ko nigal gaye..
unke dikhaye raste par chalkar
hum har mushkil se guzar gaye..
unke sath rehne par har humara dukh bat gaya,
dard ka sagar bhi unhein dekhkar apne aap simat gaya,
wo hai us vishal surya ke samaan,
jiski roshni se saraa aasmaan jagmaga uthta hai…
wo hai us prajwalit deepak ke samaan,
jo khud jalkar bhi andhkaar ko ujaale mein badal deta hai…..
Tyaag, prem aur vishwas ki unhone rakhi aisi neev,
aaj salaam karega unhein duniya ka har jeev…
1 of the best poems from him , but i m waiting for his marvel on JV to be published soon
That’s so true…. U are a good poet… this poem just touched my heart…
It’s good to see that u posted the first one in hindi!
Hope to see more masterpieces by u soon.
Keep up the good work..
hey bahut achchi poem hai yaar…so touchy nd true…
keep writing!!
An Awesome Poem frm an awesome poet.Aapki yeh kala atyant laajawab hain.Keep on rocking Dude…………